Transcription
1
Monsieur, par le laquey que janvoys à Grenoble,
2
je scus la convalessence de monsieur le president
3
et par là conu que vostre particulier jugement
4
a esté plus certayn que celuy du general. Je
5
fus aussy adverty par vous lettres que la fiebvre
6
vous advoyt saysy et en mesme tens que jentendis
7
vostre guerison, j’eus la novelle de la maladie
8
de monsieur de Laval. Cest pour nous monstrer
9
quil nia rien desseuré en ce monde, sy ce nest quil
10
nia aulcu[n]g contentement quil ne soyt suyvy de bien
11
près de plusieurs tristesses. Je me resoulz que Nostre
12
Seigneur faict pour le mieulx. Janvoye ce porteur
13
à Lyon auquel jay comandé passer vers vous. Je vous
14
supplie très humblement monsieur, attandent quil soyt
15
de retour, me fère antandre les nouvelles que
16
vous en arés et adresser sil vous playt vous lettres
17
au sieur des Vignatz à Grenoble quy me les fera
18
sodeynement tenir, vous asseurent que sens la
19
compaignie que jattens yssy que moy mesme heusse
20
faict le voyage. Je ne vous ferey ceste plus longue,
21
atandent de vous novelles, priant Nostre Seigneur
22
quelles soyent telles que je les désire et vous
23
donner
24
Monsieur, en parfaicte prosperité très heureuse et très bonne
25
vie et longue. De Prunières, ce premier daoust 1572
26
Vostre très humble serviteur
27
Rousset
28
Monsieur, madamoyselle de Sainct Privat et le demourant de ceste
29
compagnie vous baysent les mayns, ayant tous ung [abimé ?] regret que
30
vous ne nous porés tant honorer destre de la partie.
31
Je vous supplie très humblement que jay ung autour par vostre moyen